(الحواوشى)المصرى وبألف هنا وشفا

أولا لو حوالى 5 أفراد مش أكتر يبقى هنجيب حوالى 1 كيلو الا ربع لحمه مفرومه مستورده من غير دهن.
(الطريقه)
1 نحضر حوالى بصلتين متوسطتين ونبشرهم .
2 نضع على البصل المبشور شوية ملح وفلفل اسود وقرنين فلفل اخضر حراق ونقلبهم كويس.
3 نضع اللحم المفروم على خليط البصل المبشور ونبدأ فى عجنه حتى تأخد اللحمه راءحه وطعم البصل .
4 لو عندك حتة( ليه لحمه ) مش دهن قطعيها صغير أوى وضعيها على اللحم وقطعة الليه هذه ستعطى اللحم مذاق جميل جدا.
5 احضرى حوالى عشرة ارغفه من العيش الطازج ومايكونش ملزق .
6 ابدءى بفتح الارغفه وضعى بكل رغيف قدر من خليط اللحم المفروم وبعدين اغلقى الرغيف جيدا .
7 قومى بتسييح حوالى من 4 الى خمسة معالق سمن بلدى .
8 قومى بدهن الرغيف بالسمن البلدى من الامام ومن الخلف .
9 قومى بلف الرغيف فى( ورق الطعام الفضى ) جيدا وضعى الحواوشى فى الفرن لحوالى نصف ساعه
(ملحوظه) لا تتركى الحواوشى فى الفرن كثيرا حتى لايحترق وراقبيه بأستمرار ويمكن اكل الحواوشى بجانب سلطة الطحينه وسلطة الطماطم .
و(كل سنه وانتوا طيبين يا أحلى مسلمين) وبألف هنا

هحاول ان شاء الله يا حسام وميرسى على كلامك الجميل ده انت وشيماء ويارب انال اعجبكوا دايما يا رب